giruziyede naraziliqqa seweb bolghan qanun teklipi maqullandi

türkiye awazi radiyosi xewiri: giruziye parlaméntida, birinchi testiqini 17-aprél (2024), ikkinchi testiqini 1-may alghan we texminen bir aydin buyan naraziliq bildürülüwatqan «chet el tesirining ochuq-ashkara bolushi» qanun teklip layihesige, üchinchi shundaqla eng axirqi qétim awaz tashlandi. qanun teklip layihesi 30 gha qarshi 83 awazning qollishi bilen testiqlanghan boldi. heptilerdin buyan naraziliq namayishlirigha seweb bolghan qanun teklip layihesining resmiy qanungha aylinishi üchün, parlaméntta üch qétim awazgha qoyulushi kérek idi.

qanun teklip layihesi awazgha qoyuluwatqan waqitta, bezi parlamént ezaliri otturisida qattiq munazire, hetta jédel chiqti. namayishchilar «rus qanuni» dep atap naraziliq bildürgen qanun teklipi, pirézidént salomé zurabishwiligha imzalishi üchün ewetilidu.

giruziye pirézidénti salomé zurabishwili élan qilghan bayanatlirida, qanun teklipige qarshi ikenlikini we parlamént qobul qilghan ehwalda özining ret qilidighanliqini bildürgen idi.

pirézidént salomé zurabishwili ret qilghan ehwalda, qanun teklipi ikki hepte ichide parlaméntqa qayta ewetilishi kérek. hakimiyet béshidiki partiye parlaméntta pirézidéntning ret qilish hoquqidin ötüp kétidighan derijide köp orungha ige.

qanun teklipi awazgha qoyuluwatqan waqitta, parlaméntning etrapida namayishlar dawam qildi. bezi namayishchilar awaz netijisi élan qilinghanda parlaméntqa bésip kirishke urundi. saqchilarning tosushi netijiside, ikki terep otturisida sürkilishler yüz berdi, bezi namayishchilar tutuldi.

mezkur qanun teklip layiheside, giruziyede qurulghan meblighining %20 i chet ellerning yardimi igelleydighan fondlarning «chet el küchining menpeetini chiqish qilidighan teshkilat» dep tizimgha élishni, undaq bolmighanda, jerimane qoyush؛ fondlarni tizimgha élish resmiyetlirige giruziye edliye ministirliqining mesul bolushi telep qilinidu.