хитай сақчилири чегра сиртида қечип йүргәнләрни қайтуруп кәтти
хитай сақчилири чегра сиртида қечип йүргән сәккиз кишини қайтуруп кәтти
түркийә авази радийоси хәвири: түркийә авази радийоси хәвири: хитай таратқулириниң хәвәр қилишичә, аптоном районлуқ җ х оргинидикиләр җәнубий африқа, қазақистан, түркийә қатарлиқ дөләт вә районларда қечип йүргән сәккиз иқтисадий җинайәтчини нәсиһәт қилип қайтуруп келип қолға алған.
уйғур аптоном районлуқ җ х назарити мәсулиниң билдүрүшичә, җ х министирлиқиниң хизмәт тәлипигә бинаән, аптоном районлуқ җ х назарити җ х органлириниң сақчи түрлиридин мәхсус әтрәт тәшкилләп, қачқунларни қоғлап тутушта күчни мәркәзләштүрүп һәрикәтни тезликтә қанат йайдурған; аптоном район бойичә чәткә қачқан гумандарларға қарита «бир адәмгә бир архип турғузуш» усулини қолланған, һәрикәтчан башқуруш, пейигә чүшүп тутуш тәдбирлирини йолға қойған. һазирғичә аптоном районлуқ җ х органлири чәтәлдә қечип йүргән сәккиз иқтисадий җинайәтчини нәсиһәт қилип қайтуруп келип қолға алған.
лаосқа қечип кәткинигә икки йил болған иқтисадий җинайәт гумандари зең шйаңго хотән шәһәрлик җ х идариси иқтисадий җинайәтләрни тәкшүрүш чоң әтрити нәсиһәт қилип қайтуруп кәлгәндин кейин, бу йил 25-йанвар өзини мәлум қилған.