yéllén shimshek we qaraxan bilen körüshti
amérika maliye ministiri janét yélén 20 dölet guruhi yighini dairiside türkiye jumhuriyiti xezine we maliye ishliri ministiri mehmet shimshek we türkiye jumhuriyiti merkizi bankisi bashliqi fatih qaraxan bilen körüshti.
türkiye awazi radiyosi xewiri: amérika maliye ministirliqi bayanat élan qilip, yélénning biraziliyening saw pawlo shehiride ötküzülgen 20 dölet guruhi maliye ministirliri we merkiziy banka bashliqliri yighini jeryanida, türkiye jumhuriyiti xezine we maliye ishliri ministiri shimshek we merkiziy bankisi bashliqi qaraxan bilen körüshkenlikini uqturdi.
bayanatta körsitilishiche, söhbet jeryanida, ikki dölet munasiwitining ehmiyitining tekitlengenliki, türkiye bilen amérikaning pul yuyushqa qarshi turush, térrorluqni meblegh bilen teminlesh we bu dairide élan qilinghan émbargolarning ijra qilinishi qatarliq rayon xaraktérlik mesililerni chöridep qandaq xizmetlerni élip baraydighanliqi mesililiri muzakire qilinghan.
yéllén özining ijtimaiy taratqu supisi «X» tiki adrésida uchur hembehrilep: «men ministir mehmet shimshek bilen körüshüp, qandaq qilghanda, türkiye bilen amérikaning rayon xaraktérlik muhim mesililerni birlikte hel qilalaydighanliqi toghrisida sözleshtim. buningdin bashqa, ikki dölet munasiwitimizning muhimliqini tekitlidim» dégen.
