türkiye-ezerbeyjan tebiiy gaz bilen teminlesh kélishimining mudditi uzartildi

türkiye awazi radiyosi xewiri: türkiye turuba liniyeliri we néfit tiransiport pay cheklik shirkiti (botash), ezerbeyjan döletlik néfit shirkiti (sokar) bilen ezerbeyjan tebiiy gaz bilen teminlesh shirkiti otturisida tebiiy gaz bilen teminlesh we almashturushqa alaqidar kélishimler imzalandi.

ezerbeyjanning paytexti bakuda ötküzülgen 29-nöwetlik xelqaraliq hazar (kaspiy) néfit we tebiiy gaz yermenkesi dairiside, türkiye énérgiye we tebiiy bayliqlar ministiri alparslan bayraqtar bilen ezerbeyjan iqtisad ministiri mikayil kabarowning ishtirak qilishida imza qoyush murasimi ötküzüldi.

türkiye turuba liniyeliri we néfit tiransiport pay cheklik shirkiti ijraiye heyitining reisi shundaqla bash diréktori abdulwahit fidan we ezerbeyjan tebiiy gaz teminlesh shirkitining bash diréktori lidya salaxowa, mudditi  2024-yilining axirida toshidighan we mudditini 2030 - yilining axirighiche uzartish nishan qilinghan  tebiiy gaz bilen teminlesh kélishimini imzalidi.

fidan yene, ezerbeyjan döletlik néfit shirkitining reisi röwshen nejef bilen tebiiy gaz yetküzüsh we almashturush toghrisida 4 kélishim imzalidi. bu töt kélishim netijiside, ezerbeyjanning tebiiy gazi türkiye arqiliq yawropa we ezerbeyjangha qarashliq naxchiwan aptonom jumhuriyitige toshulidu.