голдман сачс: түркийәдики пул пахаллиқи мөлчәрдикидин тез төвәнлиши мумкин
америка мәбләғ селиш банкаси —голдман сачс, түркийәдики пул пахаллиқиниң мөлчәрдикидин тез төвәнлишиниң мумкинликини оттуриға қойди.
түркийә авази радийоси хәвири: голдман сачисниң оттура вә шәрқий йавропа, оттура шәрқ вә африқа иқтисад анализчилириниң елан қилған доклатида, түркийә җумһурийити мәркизий банкасиниң базардики пул билән тәминләшни азайтиш сүрити нәзәрдә тутулғинида, пул пахаллиқиниң мөлчәрдикидин тез төвәнлишиниң мумкинлики тәкитләнди.
доклатта көрситилишичә, йил ахирида %42.6 болуши тәхмин қилиниватқан пул пахаллиқиниң %30 кә чүшүш еһтимали бар икән.
түркийә җумһурийити мәркизий банкасиниң нөвәттики йөнилишигә асасән, бу ай өсүмни йәнә 250 асасий нуқта өстүрүп %45 кә чиқиридиғанлиқи илгири сүрүлгән доклатта, голдман сачисниң илгирики өсүм нисбити мөлчәриниң %42.5 икәнлики қәйт қилинди.
доклатта йәнә, пул пахаллиқиниң базар баһасидин тез төвәнлишигә әгишип, банканиң йил оттурида түркийә лирасиға бесим елип кәлмәстинла өсүм нисбитини төвәнлитишкә башлайдиғанлиқи оттуриға қойулди.
