америка мәркизий банкаси өсүмни өстүрмиди
америка мәркизий банкаси (Fed) сийасәт өсүмини %5.25-5 арилиқида муқимлаштурди.
түркийә авази радийоси хәвири: америка мәркизий банкаси өсүм нисбити тоғрисида байанат елан қилди.
байанатта, өсүм нисбитини муқим тутуш қарариниң аваз бирлики билән чиқирилғанлиқи билдүрүлди.
байанатта йәнә, федератсийә ечиветилгән базар комитети (FOMC) ниң әң йуқири ишқа орунлишишни вә узун муддәттә пул пахаллиқини %2 кә чүшүрүшни нишан қилғанлиқини әскәртип, буни қоллаш үчүн өсүм нисбитиниң %5.25-5 болушиниң қарар қилинғанлиқи қәйт қилинди.
шуниң билән, америка мәркизий банкаси аридин 15 ай өткәндин кейин, өсүмни муқим тутқан болди.
америка мәркизий банкаси 2022-йили март ейда өсүмни 25 номур өстүрүп, 2018-йилдин буйанқи тунҗи қетимлиқ өсүм өстүрүшни әмәлгә ашурған иди. март ейи (2023) дики йиғинда болса, өткән йили (2022) ниң март ейидин тартип һесаблиғанда 10-қетимлиқ өсүм өстүрүш билән җәмий 500 номур өстүргән болди.
америкада пул пахаллиқи өткән йили (2022) ийунда %9 кә йәткән болуп, бу 1981-йилдин буйанқи әң йуқири нуқта иди. бу йил (2023) май ейида болса, %4 кә төвәнлигән иди.
