чавушоғлу: енергийә билән тәминләштә йавропаниң муһим актийориға айландуқ
дөлитимиз (түркийә җумһурийити) ташқи ишлар министири мәвлүт чавушоғлу түркийәниң дунйаниң енергийә билән тәминләш саһәсидики муһим актийориға айланғанлиқини билдүрди.
түркийә авази радийоси хәвири: ташқи ишлар министири чавушоғлу түнүгүн (18-апрел) испартада қилған сөзи җәрйанида, түркийәниң районлуқ енергийә мәркизи икәнликини тилға елип: «биз дунйави күч болушни халаймиз. бир тәрәптин өзимизниң ишләпчиқарғанлирини, йәнә бир тәрәптин түркийәни бесип өтидиған туруба линийәлиридин пайдилинип түркийәдики искилатларға дунйаниң һәр қайси җайлиридин кәлтүргән тәбиий газни йавропа вә балқан дөләтлиригә сетишқа башлидуқ. биз дунйаниң, болупму йавропаниң енергийә билән тәминлинишидики муһим ролчиға айландуқ. әзәрбәйҗан, түркмәнистан вә башқа қериндаш дөләтләр биләнму шундақ» деди.
министир чавушоғлу өзлириниң түрк дунйасиниң техиму күчлүк болушини үмид қилидиғанлиқини билдүрүп, уларниң һечким билән риқабәтләшмәйдиғанлиқини, әмма түрк дунйасиниң дунйадики орниниң техиму күчлүк болуши керәкликини тәкитлиди.
чавушоғлу дунйаниң қийин шараитни баштин кәчүрүватқанлиқини тилға елип: «һазир биз бир қутуплуқтин көп қутуплуққа өтүватимиз. йәнә бир тәрәптин, ғайәт зор риқабәт, ениқсизлиқ, сүркилиш, киризис, тоқунуш, урушлар бар. бундақ әһвалда, бизниң дөлитимиз вә хәлқимиз техиму күчлүк вә муқим болуши керәк» дегәнләрни қәйт қилди.
مۇناسىۋەتلىك خەۋەرلەر
шимшәк: йәршари мәбләғ салғучилири түркийәниң иқтисадий пиланиға ишиниду
министир мәһмәт шимшәк америка қошма иштатлиридики зийарити һәққидә TRT гә байанат бәрди.
