америка мәркизий банкаси өсүмни өстүрди
америка мәркизий банкаси (Fed), пул сийасити өсүмини 25 номур өрлитип 16 йил мабәйнидики әң йуқири болған %4.50 лик өсүмни %4.75 кә өстүрди.
1941046
түркийә авази радийоси хәвири: америка мәркизий банкаси байанат елан қилип, өсүм нисбитини өстүрүш қарариниң аваз бирлики билән чиқирилғанлиқини билдүрди.
байанатта, федератсийә очуқ базар комитетиниң (FOMC) узун муддәт ичидә әң йуқири ишқа орунлишиш вә пул пахаллиқини %2 кә чүшүрүшни әмәлгә ашурушни нишан қилғанлиқи, бу нишанға йетиш үчүн өсүмни %4.75 кә өстүрүшниң қарар қилинғанлиқи қәйт қилинди.
байанатта, әң йеңи көрсәткүчниң чиқим вә ишләпчиқиришниң оттураһал ешишини көрситип беридиғанлиқи, йеқинқи айларда ишқа орунлишиш нисбитиниң күчлүк икәнлики вә ишсизлиқ нисбитиниң давамлиқ төвән икәнлики билдүрүлди.
байанатта мундақ дейилди:
«пул пахаллиқи мәлум дәриҗидә төвәнлиди, әмма йәнила йуқири.»
комитетниң пул пахаллиқи хәвпигә йеқиндин диққәт қиливатқанлиқи әскәртилгән байанатта: «украина-русийә уруши инсаний вә иқтисадий қийинчилиқларни кәлтүрүп чиқирип, әслидинла начар болған йәр шари ениқсизлиқиниң ешишиға һәссә қошуватиду» дегән ибариләргә орун аҗритилди.
байанатниң ахирида, комитетниң пул сийаситиниң пул пахаллиқини %2 кә чүшүрүши үчүн өсүм нисбитини өстүрүшни «давамлаштуруш» ниң мувапиқ икәнликиниң мөлчәрләнгәнлики тәкитләнди.
مۇناسىۋەتلىك خەۋەرلەر
түркийәдә ишсизлиқ нисбити төвәнлиди
түркийәдә ишсизлиқ нисбити март ейида алдинқи айға селиштурғанда % 0.1 азийип, ٪8.6 кә төвәнлиди.
түркийәниң санаәт мәһсулатлирини ишләпчиқириш көрсәткүчи ашти
түркийәниң санаәт мәһсулатлирини ишләпчиқириш көрсәткүчи йиллиқ нисбәттә % 4.3 ашти.
