микрософт 10 миң хизмәтчини иштин бошитиду
америка технологийә ширкәтлиридин микрософт 10 миң хизмәтчини шитин чиқиридиғанлиқини елан қилди.
1934993
түркийә авази радийоси хәвири: микрософт ширкитиниң йуқири дәриҗилик башқурғучилиридин сатйа наделла (Satya Nadella) ширкәт хизмәтчилиригә қилған уқтурушида, муһим өзгиришләр йүз бериватқан мәзгилни баштин кәчүрүватқанлиқлирини, херидарлар вә һәмкарлашқучилар билән учришиш елип барғанлиқлирини билдүрди.
у херидарларниң рәқәмлик чиқимини әлалаштуруватқанлиқини байан қилип: «биз йәнә дунйаниң бәзи җайлирида иқтисадниң турғунлуқта икәнликини, йәнә бәзи җайларда иқтисадниң турғунлуқта болушиниң күтүлүватқанлиқи үчүн, һәр саһә вә һәр қайси районлардики ширкәтләрниң еһтийатчанлиқ билән һәрикәт қиливатқанлиқини көрүватимиз» деди.
у ширкәтниң бу әһвалдин техиму күчлүк вә риқабәт күчигә игә болған һалда чиқидиғанлиқиға ишинидиғанлиқини, әмма бу тәрәққийатларға маслишип қәдәм ташлиниши керәкликини қәйт қилди.
у микрософтниң чиқимини кирим вә херидарларниң еһтийаҗи билән маслаштуридиғанлиқлирини, шуңа бу даиридә 2023-йиллиқ малийә йилиниң үчинчи пәслиниң ахириғичә 10 миң кишини иштин бошитилидиғанлиқлирини әскәртти.
у бу санниң микрософтниң омумий хизмәтчиләр саниниң %5 гиму йәтмәйдиғанлиқини әскәртип, бәзи районлардики орунларни әмәлдин қалдуруш билән биллә, муһим истратегийәлик саһәләрдә давамлиқ хизмәтчи қобул қилидиғанлиқлирини тәкитлиди.
مۇناسىۋەتلىك خەۋەرلەر
түркийәдә ишсизлиқ нисбити төвәнлиди
түркийәдә ишсизлиқ нисбити март ейида алдинқи айға селиштурғанда % 0.1 азийип, ٪8.6 кә төвәнлиди.
түркийәниң санаәт мәһсулатлирини ишләпчиқириш көрсәткүчи ашти
түркийәниң санаәт мәһсулатлирини ишләпчиқириш көрсәткүчи йиллиқ нисбәттә % 4.3 ашти.