хәлқара пул фонди тәшкилати: қаттиқ соғуқ йавропада иҗтимаий давалғуш пәйда қилиши мумкин
хәлқара пул фонди тәшкилати (IMF) рәиси киристалина георгийева, йавропаниң украина урушиниң иқтисадий ақивәтлириниң биваситә тәсиригә учриғанлиқини әскәртти.
түркийә авази радийоси хәвири: хәлқара пул фонди тәшкилати (IMF) рәиси киристалина георгийева, йавропаниң украина урушиниң иқтисадий ақивәтлириниң биваситә тәсиригә учриғанлиқини әскәртип, соғуқ бир қишниң йавропада иҗтимаий давалғуш пәйда қилиш еһтимали барлиқини илгири сүрди.
кристалина георгийева фирансийә мәркизи банкиси башлиқи фирансуа виллерой де галхавниң иштирак қилиши билән өткүзүлгән «2022 – йиллиқ мишел камдес мәркизи банкичилик дәрси» паалийитидики сөзидә, русийәниң 24-феврал украинаға ачқан урушиниң «қорқунчлуқ» иқтисадий ақивәтлириниң йавропаға биваситә тәсир көрсәткәнликини, бир қисим дөләтләрниң иқтисадий чекиниш әндишисигә муптила болғанлиқини оттуриға қойуп: «әгәр тәбиәт ана һәмкарлашмаслиқни қарар қилса, қиш һәқиқәтән қаттиқ соғуқ болса, бу бир қисим иҗтимаий давалғушларни кәлтүрүп чиқириши мумкин» деди.
у, йәршари иқтисадиниң арқа – арқидин зәрбигә учраватқанлиқиға ишарәт қилип, бу зәрбиниң биринчисиниң ковид-19 йуқуми, иккинчисиниң русийәниң украинаға ачқан уруши икәнликини илгири сүрди һәмдә пул пахаллиқиниң җаһил характерлик вә мөлчәрдикидинму кәң даирилик асасқа игә икәнликини, шуңа мәркизий банкиларниңму пул пахаллиқиға қарши күрәштә чиң туруши керәкликини тәкитлиди.
