путин: пәйда қилинған мәсилиләргә қаримай, нефит вә газ киримимиз ешиватиду

түркийә авази радийоси хәвири: пирезидент виладимир путин пайтәхт москвада федератсийә баҗ идариси мәсули данил йегороф билән өткүзгән учришиши әснасида, русийә иқтисади тоғрисида тохталди.

путин русийәниң енергийә експортидики кириминиң давамлиқ ешиватқанлиқини билдүрүп: «йаман ғәрәзлик вә һәсәтхор кишиләр бизгә қарши пәйда қилмақчи болған мәсилиләргә қаримай, хамчотимиз мувапиқ сүрәттә толдурулмақта, нефит вә тәбиий газ киримимиз ашмақта. алаһидә йахши болғини, бизниң нефит вә тәбиий газ сиртидики киримлиримизниңму ашқан болушидур» деди.

путин, дөләт иқтисадидики көрсәткүчләрниң муқимлашқанлиқини тилға елип: «мениңчә буларниң һәммиси иқтисадий көрсәткүчниң һеч болмиғанда һазирчә болсиму муқимлашқанлиқини көрситип бериду. биз хәвпни көрүватимиз, бу хәвпниң оттура мәзгилдә йүз бериш мумкинликини тәхмин қиливатимиз. буларниң һәммиси наһайити ениқ» деди.

йегорофму, русийәниң федератсийә хамчотидики баҗ кириминиң бу йилниң алдинқи йеримида бултурқиниң охшаш мәзгилдикигә селиштурғанда %32 ешип, 16 тирилйон 900 милйард рубли (тәхминән 284 милйард доллар) ға йәткәнликини билдүрди.