йавропа русийә нефитидин қутулуш үчүн издәнмәктә

түркийә авази радийоси хәвири: фирансийә иқтисад министири бруно ле майир «Cnews», «Europe 1» вә «Les Echos» қаналлириниң ортақ пирограммисида, русийә нефитиниң орнини толдуруш үстидә издиниватқанлиқлирини билдүрүп, әрәб бирләшмә хәлипиликиниң русийә нефитиниң орнини вақитлиқ болсиму толдуралайдиғанлиқини әскәртти.

у: «әрәб бирләшмә хәлипилики сөһбәтлиримизни башлидуқ, русийә нефитиниң орнини толдурушимиз керәк» деди.

у русийә пирезиденти владимир путинға қарши енергийә мустәқиллиқи сийаситини қоллайдиғанлиқлирини тәкитләп, екологийәлик селинмиларниң сүритини тезләштүридиғанлиқлирини, сайламдин кейин тәкрар пайдиланғили болидиған енергийәгә мунасивәтлик тезләштүргүчи қәдәмләрниң бесилишиниң йолини ачидиған қанунни күнтәртипкә қойидиғанлиқлирини билдүрди.

бу җәрйанда, охшаш таратқуларниң зийаритини қобул қилған йавропа иттипақи комитетиниң ички базарға мәсул әзаси террий бретон (Thierry Breton): «йавропа иттипақи дөләтлириниң балдуррақ русийә газидин қутулуп, мустәқиллиққә еришиши керәк. чүнки путин йавропа лайиһәсини йахши көрмәйду» деди.

у путинниң тәбиий газдин пайдилинип, йавропалиқларни парчилашқа урунуватқанлиқини тәкитлиди.

йавропа иттипақиниң 6-қетимлиқ ембарго пиланида, мушу йилниң (2022) ахириғичә русийәдин нефит импортини %92 азайтиш маддиси бар.