«иқтисадниң әслигә келиш мусаписидә һәр 10 долларниң 8 и тәрәққий тапқан дөләтләрдә сәрп қилинди»

түркийә авази радийоси хәвири: дунйа иқтисад мунбириниң «2022 – йиллиқ давос күнтәртипи» темилиқ йиғиниға телевизийә телеграммиси йоллиған б д т баш катипи антонийо гутеррес. тәминләш һалқисидики сақлиниватқан мәсилиләр вә пул пахаллиқиниң йуқири болушиниң иқтисадниң әслигә келиш сүритини астилитивәткәнликини тәкитлиди.

тәрәққий қилған дөләтләрдики ваксина әмләш нисбитиниң африқа дөләтлиригә қариғанда «<номус қиларлиқ дәриҗидә> 7 һәссә йуқири» икәнликини оттуриға қойған гутеррес, дора ширкәтлирини ваксина иҗазәтнамисини тәрәққий қиливатқан дөләтләр билән ортақлишишқа чақирди.

у, йәршари иқтисадиниң әслигә келишиниң аҗиз вә турақсизлиқини оттуриға қойуп, иқтисадниң әслигә келиш мусаписидә һәр 10 долларниң 8 иниң тәрәққий тапқан дөләтләрдә сәрп қилинғанлиқини әскәртти.

төвән киримлик ​​вә тәрәққий қиливатқан дөләтләрниң иқтисадий ешишиниң интайин астилап кәткәнликини билдүргән гутеррес, бу дөләтләргә қарита қәрзни қайтидин тәңшәш чақириқини тәкрарлиди.