ياۋروپا ئىتتىپاقى تۈركىيەنىڭ ئىقتىسادىي ئېشىش مۆلچەرىگە ئۆزگەرتىش كىرگۈزدى
ياۋروپا ئىتتىپاقى كومىسسىيەسى تۈركىيە ئىقتىسادىنىڭ 2021 – يىللىق ئىقتىسادىي ئېشىش مۆلچەرىنى %5.2 دىن %9 گە كۆتۈردى.
تۈركىيە ئاۋازى رادىيوسى خەۋىرى: ياۋروپا ئىتتىپاقى كومىسسىيەسى، «2021 كۈز پەسىللىك ئىقتىسادىي مۆلچەرلەر» دوكلاتىنى ئېلان قىلىپ، ياۋرو رايونى ئىقتىسادىنىڭ بۇ يىل %5، 2022 – يىلى %4.3 ۋە 2023 – يىلى %2.5 ئېشىشىنىڭ مۆلچەرلىنىۋاتقانلىقىنى ئوتتۇرىغا قويدى.
تۈركىيە ئىقتىسادىنىڭ ئۆتكەن يىلى ۋۇخەن ۋىرۇسىغا قارىماي %1.8 لىك ئېشىشنى قولغا كەلتۈرگەنلىكى خاتىرىلىتىپ ئۆتۈلگەن دوكلاتتا، تۈركىيەنىڭ بۇ يىل %9، 2022 ۋە 2023 – يىللىرى ئايرىم – ئايرىم ھالدا %4 ئىقتىسادىي ئېشىشنى قولغا كەلتۈرۈشىنىڭ مۆلچەرلەنگەنلىكى ئەسكەرتىلدى.
تۈركىيەگە مۇناسىۋەتلىك مۆلچەرلەرگە ئورۇن بېرىلگەن ئىلگىرىكى بىر دوكلاتتا، تۈركىيە ئىقتىسادىنىڭ بۇ يىل %5.2 ئاشىدىغانلىقى مۆلچەرلەنگەنىدى.
دوكلاتتا، بۇ يىل گېرمانىيەنىڭ %2.7، فىرانسىيەنىڭ %6.5، ئىتالىيەنىڭ %6.2، ئىسپانىيەنىڭ %4.6، گوللاندىيەنىڭ %4، بېلگىيەنىڭ %6، گىرېتسىيەنىڭ %7.1 ۋە ئىرلاندىيەنىڭ %14.6 ئىقتىسادىي ئېشىشنى قولغا كەلتۈرىدىغانلىقى مۆلچەرىگە ئورۇن بېرىلدى.
مۇناسىۋەتلىك خەۋەرلەر
تۈركىيەنىڭ سانائەت مەھسۇلاتلىرىنى ئىشلەپچىقىرىش كۆرسەتكۈچى ئاشتى
تۈركىيەنىڭ سانائەت مەھسۇلاتلىرىنى ئىشلەپچىقىرىش كۆرسەتكۈچى يىللىق نىسبەتتە % 4.3 ئاشتى.