түркийә билән әнглийә оттурисида йеңи әркин сода келишими имзалиниши мумкин
әнглийәниң әнқәрәдә турушлуқ баш әлчиси доминиң чилкот (Dominick Chilcott) йеқин кәлгүсидә түркийә билән әнглийә оттурисида йеңи вә техиму кәң даирилик әркин сода келишиминиң имзалиниши мумкинликини ейтти.
түркийә авази радийоси хәвири: түркийә сода-санаәтчиләр уйушмиси интернетта «түркийә-әнглийә әркин сода келишими мәлумат бериш йиғини» өткүзди. йиғинға, әнглийәниң әнқәрәдә турушлуқ баш әлчиси чилкоттин башқа, түркийә сода-санаәтчиләр бирләшмисиниң башлиқи рифат һисарҗикоғлу, әнглийә әлчиханисиниң сода мәслиһәтчиси давид машин вә министирлиқ вәкиллири қатнашти.
чилкот йиғинниң ечилиш мурасимида: «түркийә-әнглийә мунасивәтлиридә йеңи дәвр башлиниду. әнглийә билән түркийәниң сода мунасивәтлирини алдимиздики йилларда йеңи сәвийәләргә чиқиду дәп ойлаймән. һәтта йеқин кәлгүсидә йеңи вә техиму кәң даирилик сода келишимлири имзалиниши мумкин дәп қараймән» деди.
у икки дөләт оттурисида имзаланған әркин сода келишими үстидә тохтилип, келишимниң техиму күчлүк, техиму кәң даирилик вә техиму чоңқур сода шерикилики мунасивити шәкилләндүрүшигә пайдилиқ икәнликини қәйт қилди.
әнглийә әлчиханисиниң сода мәслиһәтчиси машин түркийә билән әнглийәниң өзара селинған мәбләғләрниң ашқан һалда давамлишиватқанлиқини билдүрди.
