путин: «вухән вируси» сәвәбидин 10 милйон адәм йоқсуллуқ хәвипигә дуч кәлмәктә

түркийә авази радийоси хәвири: путин, видео конферанс васитиси арқилиқ қатнашқан асийа - тинч окйан райони иқтисадий һәмкарлиқ тәшкилати башлиқлар йиғинида, «вухән вируси» йуқуми вә йәр шари характерлик иқтисадий вәзийәт һәққидә қилған сөзидә, йәр шари характерлик иқтисадниң йеқинқи 6 ай ичидә тәхминән % 15 кәйнигә чекинип кәткәнликини тәкитләп мундақ деди: «тиҗарәт саһәсидики муһим ойунчилар оттурисидики иқтисадий пәрқму барғансери зораймақта. <вухән вируси> сәвәбидин йәр шари характерлик иқтисадниң бу йил оттуричә % 4.4 кәйнигә чекинип кетиши күтүлмәктә. <вухән вируси> сәвәбидин ишләпчиқиришниң төвәнләп кетиши вә йоқсуллуқниң көпийип кетиши адәмни қаттиқ әндишәгә салиду. нөвәттә  4 милйон адәм йоқсуллуқ хәвипигә дуч кәлмәктә. бундақ қийин шәрт – шараитларда, әмәлийәткә маслишип иш көрүш ақиланилик, дәп қараймән. хәлқара җамаәтчилик, мәвҗут қийин өткәлдин һәмкарлиқни күчәйтиш арқилиқ өтәлиши мумкин.»