түркийә бу йил италийә, германийә вә фирансийәгә әң көп орман йаңиқи сатти
түркийә дунйа бойичә орман йаңиқи ишләпчиқириш вә базарға селишта алдинқи қатардики дөләтләрниң бирси болуп, бу йил йанвар ейидин өктәбир ейиғичә болған мәзгилдә орман йаңиқидин 1 милйард 578 милйон доллар кирим қилди.
түркийә авази радийоси хәвири: қара деңиз орман йаңиқи мәһсулатлири експортчилар бирликидин игиләнгән мәлуматларға асасланғанда, түркийә 1 – йанвардин 31 – өктәбиргичә болған мәзгилдә 100 дин артуқ дөләткә орман йаңиқи експорт қилған.
орман йаңиқи експорт содиси арқилиқ 1 милйард 578 милйон доллар кирим қилған болуп, бу мәзгилдә әң көп италийәгә орман йаңиқи сатқан.
түркийә италийәгә 66 миң 302 тонна орман йаңиқи експорт қилип, 429 милйон 136 доллар кирим қилған.
италийәдин қалсила әң көп орман йаңиқи експорт қилинған иккинчи дөләт германийә вә үчинчи дөләт фирансийә болди.
германийәгә 56 миң 117 тонна йәни, 326 милйон 936 миң долларлиқ орман йаңиқи, фирансийәгә 18 миң 148 тонна йәни, 116 милйон 551 миң долларлиқ орман йаңиқи сетилди.
مۇناسىۋەتلىك خەۋەرلەر
түркийәниң експорти йанвар-апрел айлирида ашти
түркийәниң 54 шәһириниң екиспорти йанвар-апрел айлирида көрүнәрлик ашти.
түркийәниң финдиқ експорти ашти
түркийәниң 8 айлиқ финдиқ (орман йаңиқи) екиспорти 1 милйард 600 милйон долларға йеқинлашти.
