«نىشانىمىز 75 مىليون ساياھەتچىگە ساھىبخانىلىق قىلىش»

جۇمھۇر رەئىس رەجەپ تاييىپ ئەردوغان 2023 – يىلىغا بارغاندا نىشاننىڭ 75 مىليون ساياھەتچىگە ساھىبخانىلىق قىلىش ئىكەنلىكىنى بىلدۈردى.

«نىشانىمىز 75 مىليون ساياھەتچىگە ساھىبخانىلىق قىلىش»

تۈركىيە ئاۋازى رادىيوسى خەۋىرى: ئەردوغان «27 – سېنتەبىر دۇنيا ساياھەت كۈنى» مۇناسىۋىتى بىلەن ئاممىۋى ئورتاقلىشىش تور بېتى Twitter سەھىپىسىدە ئېلان قىلغان ئۇچۇرىدا مۇنداق دېدى: «دۆلىتىمىزنىڭ ساياھەت ئىشلىرى بارغانسېرى تەرەققىي  قىلىۋاتىدۇ، بۇنى يەنىمۇ يۈكسەك سەۋىيەگە يەتكۈزۈش يولىدا ئۈزلۈكسىز خىزمەت ئىشلەۋاتىمىز. نىشانىمىز 2023 – يىلىغا بارغاندا 75 مىليون ساياھەتچىگە ساھىبخانىلىق قىلىشتۇر.»

ئەردوغاننىڭ بۇ ھەقتە تارقاتقان «تۈركىيەنىڭ 2033 – يىللىق ساياھەت ئىستىراتېگىيەسى» تېمىلىق  ئۇچۇرىنىڭ مەزمۇنى مۇنداق:

2019 - يىللىق نىشان؛ بۇ يىلنىڭ ئاخىرلىرى يىراق شەرقتىن كېلىدىن ساياھەتچىلەر سانىنى 1.1 مىليونغا، ئوتتۇرا ياۋروپادىن كېلىدىغان ساياھەتچىلەر سانىنى 2.8 مىليونغا، ئامېرىكا قىتئەسىدىن كېلىدىغان ساياھەتچىلەر سانىنى 1.1 مىليونغا يەتكۈزۈشتۇر. 2023 – يىللىق نىشان بولسا يىراق شەرىقتىن 4 مىليون ساياھەتچىگە، ئوتتۇرا ياۋروپادىن 4.5 مىليون ساياھەتچىگە، ئامېرىكا قىتئەسىدىن 3 مىليون ساياھەتچىگە ساھىبخانىلىق قىلىشتۇر.

بۇ نىشانغا يېتىشنىڭ 7 تۈرلۈك شەرتى تۆۋەندىكىچە:

1 – تەشۋىقات خىزمىتىنى كۈچەيتىش،

2 – قاتناش ئۇل ئەسلىھە قۇرۇلۇشلىرىنى مۇستەھكەملەش،

3 – ئادەم كۈچى باھلىقىدىن تېخىمۇ ئۈنۈملۈك پايدىلىش،

4 – ساياھەت مەھسۇلاتلىرىنى كەڭ دائىرىلىك سەرخىللاشتۇرۇش،

5 – قۇنغالغۇ سۈپىتىنى ياخشىلاش،

6 - رىقابەتلىشىش پائالىيەتلىرىگە ئەھمىيەت بېرىش،

7 – سىجىل مۇھىت ئاسراشنى سۆيۈش ئېڭىنى يېتىلدۈرۈش.



مۇناسىۋەتلىك خەۋەرلەر