аргентина америка билән әркин сода келишими түзмәкчи

түркийә авази радийоси хәвири: аргентина пирезиденти маврисийо макри оттура типлиқ ширкәтләр конфедератсийәсиниң паалийитидә сөз қилди. у йавропа иттипақи билән мурәссәләшкән әркин сода келишиминиң тарихий пурсәтләр йаритип бәргәнликини алаһидә әскәртип: «мәһсулатлиримизға болған тәләп ашиду. ғериблиқтин қутулуш үчүн өзимизни тәййарлишимиз лазим. бу йил канада билән көрүшимиз, келәр йилида җәнубий корейә күнтәртипимиздә болиду» деди.

у йавропа иттипақи билән пикир бирлики һасил қилған келишимниң аргентина базириға зийан бәрмәйдиғанлиқини, бәлки техиму көп ишқа орунлишиш имканийити йаритидиғанлиқини қәйт қилди.

у дунйаниң аргентина билән мунасивәт орнитишни халайдиғанлиқини билдүрүп, мундақ деди:

«ташқи ишлар министири америка билән әркин сода келишими имзалаш үчүн биразилийә билән көрүшкәнликлирини ейтти» деди.

аргентина, биразилийә, парагвай вә уругвай қатарлиқ дөләтләр әза болған җәнубий америка ортақ базири билән йавропа иттипақи оттурисида пикир бирлики һасил қилинған әркин сода келишими музакирәлири, бундин 20 йил бурун башланған иди. мәзкур келишим, тәрәпләр оттурисида таможна беҗиниң көп қисмини әмәлдин қалдурушни, җәнубий америка ортақ базири йавропа иттипақи дөләтлириниң аптомобил, машина, химийә вә теббий мәһсулатлиридин еливатқан баҗ нисбитини чүшүрүшни өз ичигә алиду.

келишим даирисидә йавропа иттипақи вә җәнубий америка ортақ базири охшимиған йеза игилики мәһсулатлиридин елиниватқан йуқири баҗ нисбитини төвәнлитиду. җәнубий америка ортақ базириға әза дөләтләр йавропа иттипақиға, гөш, тоху гөши вә шекәр қатарлиқ мәһсулатларни техиму асан саталайду.