йәмән түркийәниң инсанпәрвәрлик йардәмлиридин интайин хурсән

түркийә авази радийоси хәвири: йәмәнниң рәсмий хәвәр агентлиқи (саба) ниң хәвәр қилишичә, һадрами, сәуди әрәбистанниң пайтәхти рийадта түркийәниң сана баш әлчиси ләвәнт әләр билән көрүшкәндә, икки дөләт мунасивәтлириниң тәрәққий қилдурулушиға йуқири баһа бәргән, һәмдә түркийә һөкүмитиниң йәмән һөкүмитини қоллиши, дөләттә «паррис қолтуқи тинчлиқ пилани, 2014 – йилқи миллий дийалог конферансиниң нәтиҗилири вә бирләшкән дөләтләр тәшкилати хәвпсизлик кеңишиниң қарарлири» ға асасән тинчлиқ орнитилиш йолида көрситиватқан тиришчанлиқлиридин интайин хурсән икәнликлирини ипадилигән. түркийәниң сана баш әлчиси ләвәнт әләр, түркийә һөкүмитиниң йәмәндики сийасий вә инсаний өзгиришләрни йеқиндин көзитиватқанлиқини әскәрткән.

игилинишичә, түркийә узундин буйан давамлишиватқан тоқунушлар сәвәбидин инсаний тирагедийә барғансери йаманлишиватқан вә ул әслиһә қурулушлири асасий җәһәттин зийанға учриған йәмәниң көплигән вилайәтлиридә, түркийә һәмкарлиқ вә маслаштуруш идариси, түркийә қизилай җәмийити вә түркийә диний ишлар фонди қатарлиқ тәшкилатларниң васитиси арқилиқ инсанпәрвәрлик йардәм мәзмун қилинған пилан – лайиһәләрни ишқа ашурмақта икән.