трамп йешил санаәтләргә берилидиған етибарларни әмәлдин қалдуриду

түркийә авази радийоси хәвири: ақсарай иқтисад кеңишиниң башлиқи лоррий кудлов пирезидент трмпниң ток аптомобилларға қаритилған етибар бериш сийасәтлирини пат арида ахирлаштурушни пилан қилғанлиқини ейтти.

у мухбирларға, американиң аптомобил ширкити җенерал моторс (General Motors) дөләт ичидики бәзи фабрикилирини тақашни қарар қилғандин кейин елип берилған тәкшүрүш вә тәтқиқ қилишлар тоғрисида мәлумат бәрди.

у пирезидент трампниң сабиқ пирезидент барак обаманиң ток аптомобиллар вә башқа «йешил» санаәтләр үчүн башлиған етибар бериш сийасәтлирини әмәлдин қалдурушни тәләп қилғанлиқини билдүрди. у: «бу хил етибар бериш сиайсәтлириниң һәммисини ахирлаштурмақчимиз» деди.

у пәқәт җенерал моторсқа берилгән етибар бериш сийасәтлириниң тохтитилмайдиғанлиқини, бәлки барлиқ етибар сийасәтлирини 2020 йаки 2021-йилида ахирлаштурушниң мумкинликини билдүрди.

җенерал моторс өткән һәптә байанат елан қилип, мишиган иштатидики төт, мариләнд иштатидики икки, охайо иштатидики икки, канаданиң онтарийо иштатидики бир фабриканиң келәр йили (2019) тақилидиғанлиқини, ишчилар саниниң %15 азайтилидиғанлиқини билдүргән иди.

пирезидент трамп бу һәқтә тохтилип: «җенерал моторс вә хоҗайини мари барра, охайо, мишиган вә мариләндики фабрикалирини тақаш билән мени көп үмидсизләндүрди. мексика билән хитайда болса тақалған һечнәрсә йоқ. америка җенерал моторсни қутқузди вә алған тәшәккүр җавабимиз бу. әмди ток аптомобилларни өз ичигә алған җенерал моторсқа берилгән барлиқ етибарларни тохтитишни ойлишиватимиз»  деди.