دۇنيا بانكىسى تۈركىيەنىڭ 2018-يىللىق ئىقتىسادىي ئېشىش پەرىزىنى ئېلان قىلدى
دۇنيا بانكىسى تۈركىيە ئىقتىسادىنىڭ بۇ يىل (2018)%4.5، كېيىنكى ئىككى يىلدا بولسا %4 دىن ئاشىدۇ دەپ پەرەز قىلىنىۋاتقانلىقىنى ئېلان قىلدى.
تۈركىيە ئاۋازى رادىيوسى خەۋىرى: دۇنيا بانكىسىنىڭ 2018-يىلنىڭ ئىيۇن ئايلىق "دۇنيا ئىقتىساد مۆلچەرلىرى" دوكلاتى ئېلان قىلىندى. دوكلاتتا، دۇنيا ئىقتىسادىنى بۇ يىل (2018) مۇ 2017-يىلىدىكىگە ئوخشاش %3.1 ئاشىدۇ دەپ پەرەز قىلىنىۋاتقانلىقى بىلدۈرۈلدى.
دوكلاتتا، دۇنيا ئىقتىسادىنىڭ يېقىنقى 10 يىلدىن بۇيان تۇنجى قېتىم تەڭپۇڭ ھالەتتە ئېشىشقا قاراپ يۈزلەنگەن بولسىمۇ، كۆپىيىۋاتقان خەتەرلەرنىڭ مۇقىملىققا تەھدىت سېلىۋاتقانلىقى ئەسكەرتىلدى. بۇنىڭدىن باشقا، پۇل-مۇئامىلىدىكى داۋالغۇشلار، سىياسىي ئېنېقسىزلىقلار ۋە گېئوپولىتىكىلىق جىددىيچىلىكلەرنىڭ ئېشىۋاتقانلىقىدىن بېشارەت بېرىلگەن دوكلاتتا، تەرەققىي قىلغان ۋە يۈكسەلگەن بازار ئىقتىسادىنىڭ پۇل-مۇئامىلە ھەمدە مالىيە جەھەتتىكى تەڭپۇڭلۇقىنى كۈچەيتىش تەۋسىيە قىلىندى.
دۇنيا بانكىسى دوكلاتىدا بەزى دۆلەتلەرنىڭ ئىقتىسادىي ئېشىشى توغرىسىدا پەرەزلىرىنى ئوتتۇرىغا قويدى. بۇنىڭغا ئاساسلانغاندا، دۇنيا بانكىسىنىڭ ئىقتىسادشۇناسلىرى تۈركىيەنىڭ بۇ يىلقى ئىقتىسادىي ئېشىشى %4.5، 2019- ۋە 2020-يىللىرى بولسا، %4 دىن ئاشىدىكەن.
مۇناسىۋەتلىك خەۋەرلەر
تۈركىيەنىڭ مېۋە – چېۋە ۋە كۆكتات ئېكىسپورتى ئاشتى
تۈركىيە 4-ئايدا 211 مىليون 494 مىڭ دوللارلىق مېۋە – چېۋە ۋە كۆكتات ئېكسپورت قىلدى.
تۈركىيەنىڭ ئېكسپورتى يانۋار-ئاپرېل ئايلىرىدا ئاشتى
تۈركىيەنىڭ 54 شەھىرىنىڭ ئېكىسپورتى يانۋار-ئاپرېل ئايلىرىدا كۆرۈنەرلىك ئاشتى.