дунйаға даңлиқ енергийә ширкәтлири түркийәдә бир йәргә җәм болиду

түркийә авази радийоси хәвири: енергийә вә тәбиий байлиқлар министири бәрат албайрақ наһайити зор әһмийәт берип келиватқан «түркийәни енергийәниң мәркизигә айландуруш» лайиһәси даирисидә йәнә муһим бир қәдәм ташланди.

дунйаниң һәрқайси җайлирида енергийә саһәсидә паалийәт елип бериватқан дунйаға даңлиқ ширкәтләр геотермал енергийә йиғини даирисидә түркийәгә келиду. йиғинға 400 дин артуқ дунйаға даңлиқ ширкәтниң мәшһур хоҗайинлири иштирак қилиду.

игилинишичә, йиғинда, геотермал селинмиларни йәниму йүксәк сәвийәгә йәткүзүш, муһим лайиһәләрни иқтисадий җәһәттин қоллаш паалийәтлирини техиму кәң қанат йайдуруш, һәмкарлиқни өз ичигә алған лайиһәләрни ишқа ашурушта муһим рол ойнайдиған мәсилиләр музакирә қилинидикән.