تۈركىيە ھاۋا يوللىرى شىركىتى ئەنقەرەدىن چەت ئەلگە بىۋاسىتە ئۇچىدۇ

تۈركىيە ئاۋازى رادىيوسى خەۋىرى: تۈركىيە ھاۋا يوللىرى شىركىتى مەسلىھەت ئىشلىرى باشقارمىسىنىڭ بىلدۈرۈشىچە، ئەنقەرەدىن چەت ئەلگە بىۋاسىتە ئۇچۇش خىزمىتى 29 – ئۆكتەبىر كۈنى باشلىنىكەن.

تۈركىيە ھاۋا يوللىرى شىركىتى ئىجرائىيە ھەيئىتىنىڭ باشلىقى ئىلكەر ئايجى ئەنقەرەدىن 29 – ئۆكتەبىر كۈنى گېرمانىيەنىڭ فرانكفورت شەھىرىگە ئۇچۇش باشلىنىدىغانلىقىنى، بۇنىڭ ھەپتىدە 3 قېتىم ئىشقا ئاشۇرۇلىدىغانلىقىنى، 30 – ئۆكتەبىر كۈنى بېرلىنغا، 31 – ئۆكتەبىر كۈنى ئاۋىستىرىيەنىڭ ۋىيانا شەھىرىگە ئۇچۇش باشلىنىدىغانلىقىنى،  بۇنىڭ ھەپتىدە 2 قېتىم ئىشقا ئاشۇرۇلىدىغانلىقىنى ئېيتتى.

ئۇ يەنە، ئالدىمىزدىكى مەزگىلدە ئەنقەرەدىن گېرمانىيەنىڭ دۈسسېلدورف، گوللاندىيەنىڭ ئامېستېردام شەھەرلىرىگىمۇ بىۋاسىتە ئۇچۇش باشلىنىدىغانلىقى، بۇ خىزمەتنىڭ بۇ شەھەرلەر بىلەنلا چەكلىنىپ قالمايدىغانلىقىنىمۇ سۆزلىرىگە ئىلاۋە قىلدى.