Fitch Ratings: нөвәттики киризис қатарниң киредит көрсәткүчигә тәсир көрсәтмәйду
хәлқара киредитни дәриҗигә айриш оргини – Fitch Ratings, қатар вә бәзи әрәб әллири арисида баш көтүргән киризисниң қатарниң киредит номури вә көрсәткүчигә һазирий тәсир көрсәтмәйдиғанлиқини уқтурди.
түркийә авази радийоси хәвири: Fitch Ratings байанат берип, нөвәттики киризисниң қатарниң «аа» сәвийәсидики киредит номури вә «турғун» көрсәткүчигә һазирий тәсириниң болмайдиғанлиқини әскәртти.
байанатта, киризис давамлашқан тәқдирдә, қатарниң иқтисадий вә малийә җәһәттин еғир мәсилиләргә дучар болуш еһтималиниң барлиқиму қәйт қилинди.
қатарниң әрәб бирләшмә хәлипиликигә қиливатқан тәбиий газ експортиниң дәхлигә учримиғанлиқи билдүрүлгән байанатта, хәлқара газ турубилири сайисида дөләтниң тәбиий газ експортини давамлаштуруш мумкинчиликиниң барлиқиға даир учурларға орун берилди.
Fitch Ratings, киризис давамлашқан тәқдирдә қатарниң ташқи вә малийә қәрзлиригә мәркәзләшкән һалда киредит номури вә көрсәткүчиниң қайтидин муһакимә қилинидиғанлиқиниму қәйт қилди.
مۇناسىۋەتلىك خەۋەرلەر
түркийәдә ишсизлиқ нисбити төвәнлиди
түркийәдә ишсизлиқ нисбити март ейида алдинқи айға селиштурғанда % 0.1 азийип, ٪8.6 кә төвәнлиди.
түркийәниң санаәт мәһсулатлирини ишләпчиқириш көрсәткүчи ашти
түркийәниң санаәт мәһсулатлирини ишләпчиқириш көрсәткүчи йиллиқ нисбәттә % 4.3 ашти.
