әзәрбәйҗан түркийәгә сетип бәргән нефит вә тәбиий газ миқдари елан қилинди

түркийә авази радийоси хәвири: әзәрбәйҗан дөләтлик нефит ширкити  «SOCAR»ниң муавин башлиқи хушбәхт йүсүфзадә әзәрәбәйҗанниң түркийәгә бүгүнгә қәдәр 43 милйард 8 милйон күб метир тәбиий газ сатқанлиқини ейтти.

хушбәхт йүсүфзадә «риспоблика» гезитидә елан қилған мақалисида, әзәрбәйҗанниң енергийә ишләпчиқириш нисбити, нефит вә тәбиий газ сетиш нисбити һәққидә санлиқ мәлумат бәрди.

йүсүфзадә шаһдиңез қудуқлиридики ишләпчиқиришниң давамлишиватқанлиқини билдүрүп, 8 қудуқтин күндилик тәхминән 19 милйон 500 миң күб метир тәбиий газ вә 6500 тонна конденсатсийәләнгән мадда ишләпчиқириватқанлиқини билдүрди.

бүгүнгә қәдәр шаһдеңиз қудуқлиридин җәмий 78 милйард 400 миң күб метир тәбиий газ вә 19 милйон 600 миң тонна конденсатсийәләнгән мадда ишләпчиқирилғанлиқини билдүрүп, «2017 – йили 1 - йанварғичә гирозийәгә җәмий 5 милйард 900 милйон, түркийәгә 43 милйард 800 милйон күп метир тәбиий газ бәрдуқ.  гозийәгә күндилик 4 милйон, түркийәгә болса, күндилик 18 милйон 500 миң күб метир тәбиий газ йоллидуқ» деди.

йүсүфзадә алдинқи йиллиқ ишләпчиқириш истатистекисини елан қилип, әзәрбәйҗанда 2016 – йилида 41 милйон тоннидин артуқ нефит, 29 милйард 400 миң күб метир тәбиий газ ишләпчиқирилғанлиқини қәйт қилди.