америка мәркизий банкиси йеқинқи 11 йилда иккинчи қетим өсүм өстүрди

түркийә авази радийоси хәвири: америка мәркизи банкиси башлиқи җанет йеллен, «бир турақсизлиқ булутиниң астида туруватимиз, йеңи рәһбәрлик аппаратиниң сийасәтлири америка иқтисади үчүн турақсизлиқ шәкилләндүрмәктә» деди.

америка мәркизий банкиси сийасәт өсүмини %0.25 - %0.50 арилиқидин %0.50 - %0.75 арилиқиға чиқарди. шундақ қилип, америка мәркизий банкиси йеқинқи 11 йил ичидә иккинчи қетим өсүм өстүргән болди.

банкиниң өсүмни өстүрүш қараридин кейин пул – муамилә базарлирида һәрикәтлиниш көрүлди؛ америка доллириниң қиммити йавро алдида %0.5, хитай пули йүән алдида болса, %0.9 ашти.

дов җонес вә насдақтиму төвәнләш көрүлди. нефитниң варил баһаси %4 төвәнлиди.

америка мәркизий банкиси әмәлдарлири, 2017 – йиллиқ қәрз елиш малийәсиниң техиму йуқири болушиниң күтүлүватқанлиқиниму сөзлиригә илавә қилди. банка, пул сийаситиниң әмгәк - мулазимәт базириниң күчәйтилиши вә пул пахаллиқиниң %2 сәвийәсидә тутулушини нишан қилғанлиқини елан қилди.

америка мәркизий банкисиниң бу сөзлири әмгәк - мулазимәт базирида алдимиздики мәзгилләрдә тарийиш көрүлүш еһтимали барлиқиниң сигнали, дәп анализ қилинди.

йеңи пирезидент доналд трампниң баҗниң қисқартилидиғанлиқи, үстқурулмиларға селинидиған мәбләғниң ашурулидиғанлиқи тоғрисидики сөзлири билән бирликтә, америка мәркизий банкисиниң тарийиш сийаситиниң техиму күчийиши күтүлмәктә.