әрдоған: исираилийә һөкүмити гитлерға охшаш хатирилиниду

түркийә авази радийоси хәвири: җумһур рәис рәҗәп  таййип әрдоған истанбулда өткүзүлгән «түркийә әсири асасий қануни-пуқралар асасий қануни күчлүк түркийә» намлиқ лексийә йиғинида сөз қилди.

у исираилийәниң ғәззәгә қиливатқан һуҗумлири үстидә тохталғанда, ғәззәдики бихәтәр район дәп җакарланған рәфаһтики мусапирлар лагерини бомбардиман қилишқа наразилиқ билдүрди.

у  мундақ деди:

«бу қәтлиам террорлуқ дөлитиниң вәһший йүзини йәнә бир қетим ашкарилиди. исраилийә баш министири бенйамин нетанйаһу дөлитидә бир булуңға қистиливатиду. у сийасий һайатини техиму көп қан еқитиш билән узарталмайду. у өзи тәқлид қилған гитлер (1945-1889) ға охшаш, ләнәт билән хатирилиниду.»

у йәнә, бу қатиллардин һесаб сораш үчүн қоллиридин келишичә тиришчанлиқ көрситидиғанлиқлирини әскәртип мундақ деди:

«рәббим ғәззәлик қериндашлиримизниң йардәмчиси болсун.»

исираилийә армийәси рәфаһта панаһлиниватқан йурт-маканлиридин айрилған пәләстинликләр қурған чидерни бомбардиман қилип, 40 пәләстинликниң шеһит болушини кәлтүрүп чиқарди.