fidan qatar we seudi erebistan tashqi ishlar ministirliri bilen körüshti
türkiye jumhuriyiti tashqi ishlar ministiri xaqan fidan türkiyening pelestin xelqini qollashni we ghezzediki qirghinchiliqning jawabkarlirining sotlinishi üchün pütün küchi bilen tirishchanliq körsitishni dawamlashturidighanliqini éytti.
türkiye awazi radiyosi xewiri: ministir fidan ijtimaiy taratqu supisi «X» tiki adrésida uchur hembehrilep: «millitimizning rehberlirini siyasiy mata qilish biperwaliqini sadir qilghan israiliye siyasiyonlirining niqabliri pütünley chüshüp ketti. xelqara qanun we barliq insaniy qimmet qarashlarni depsende qilishni dawamlashturuwatqan israiliye emeldarliri, dunya jamaitining wijdanida alliburun eyiblendi. biz bu qirghinchiliqni sadir qilghuchilar qanun aldida jawabkarliqqa tartilidighan künini sewrsizlik bilen kütmektimiz» dédi.
yene bir tereptin, türkiye jumhuriyiti tashqi ishlar ministirliqining ijtimaiy taratqu supisi «X» tiki adrésida hembehriligen uchurgha asaslanghanda, ministir xaqan fidan seudi erebistanning paytexti riyadta aldi bilen qatar bash ministiri, qoshumche tashqi ishlar ministiri muhemmed bin abdurahman al sani bilen, andin seudi erebistan tashqi ishlar ministiri feysal bin ferhan bilen körüshken.
مۇناسىۋەتلىك خەۋەرلەر
iraqning shimalida térrorchilargha zerbe bérildi
iraqning shimalida bölgünchi térrorluq teshkilati — p k k ezasi üch térrorchi bir terep qilindi.
