türkiye rehberliri irangha teziye bildürüshni dawamlashturmaqta
iranning 8 - nöwetlik pirézidénti ibrahim reisi we tashqi ishlar ministiri hüseyin emir abdullahiyanning tik uchar chüshüp kétish weqeside qaza qilghanliqi munasiwiti bilen, türkiyedin irangha teziye uchurliri yollanmaqta.
türkiye awazi radiyosi xewiri: türkiye büyük millet mejlisi (parlaménti) bashliqi numan qurtulmush ijtimaiy alaqe adrésida hembehrligen uchurida irangha teziye bildürüp: «pajielik hadiside jénidin ayrilghan iran pirézidénti ibrahim irangha ependige allahtin rehmet tileymen. ailisige, dost we qérindash iran xelqige teziyelirimni bildürimen, ularning azablirini ortaqlishimen. iran tashqi ishlar ministiri hüseyin emir abdullahiyan qatarliq hadiside qaza qilghan bashqa merhumlar üchünmu teziyelirimni yollaymen» dédi.
adalet we tereqqiyat partiyesining muawin reisi, wepartiye bayanatchisi ömer chelikmu ijtimaiy alaqe adrésida élan qilghan uchurida, ibrahim reisi we abdullahiyan bilen ularning hemrahliqidiki heyetning tik uchar chüshüp kétish weqeside qaza qilghanliqidin qattiq qayghurghanliqini bildürdi.
u: «iran dölitige we qérindash iran xelqige teziye bildürimiz, qérindash iran xelqining azabini ortaqlishimiz» dédi.
