erdoghan ispaniye padishahi bilen körüshti

dölitimiz (türkiye jumhuriyiti) jumhur reisi rejep tayyip erdoghan ispaniye padishahi 6 - flép bilen körüshti.

2152342
erdoghan ispaniye padishahi bilen körüshti

türkiye awazi radiyosi xewiri: jumhur reis rejep tayyip erdoghan 8 – nöwetlik türkiye – ispaniye hökümetler ara bashliqlar yighini dairiside ziyarette boluwatqan ispaniyening zarzuéla xan sariyida ispaniye padishahi 6 - flép bilen körüshti.

türkiye jumhuriyiti jumhur reislik mehkimisi uchur – alaqe ishliri idarisining bildürüshiche, axbarat wasitilirigha yépiq halette emelge ashurulghan uchrishishta, türkiye – ispaniye munasiwetliri, israiliyening ghezzede dawamlashturuwatqan qetliamliri, rayonluq we xelqaraliq özgirishler heqqide muzakire élip bérilghan.

erdoghan türkiye – ispaniye munasiwetlirining téximu tereqqiy qilidighanliqi we téximu chongqurlishidighanliqigha ishinidighanliqini bildürgen, hemde  ikki dölet otturisidiki soda omumiy sommisini ashurushtin dölet mudapie sanaiti sahesidiki hemkarliqqiche bolghan her sahede tashlinidighan qedemlerning her ikki terepke paydiliq ikenlikini tekitligen.

israiliye hökümitining pelestin zéminlirida dawamlashturuwatqan irqiy qirghinchiliq siyasitining derhal axirlishishi kéreklikini, ispaniyening bu jehette tashlighan qedemliri bilen pelestinni qollishining intayin muhimliqini tekitligen erdoghan, bu basquchta xelqara jemiyetning israiliyege qarita bésimni kücheytishining rayonda uzun muddetlik tinchliq ornitishta türtkilik rol oynaydighanliqini qeyt qilghan.

jumhur reis erdoghan körüshüshte, ispaniye padishahi flépning eng qisqa waqit ichide türkiyede ziyarette bolushini kütüwatqanliqini bildürgen.

erdoghan kéyinche ispaniye padishahi 6 – flép teripidin sheripige bérilgen kechlik tamaq ziyapitige qatnashqan.



مۇناسىۋەتلىك خەۋەرلەر