әдоған: пәләстиндики зулум үч чарәк әсирдин буйан давам қилмақта
җумһур рәис рәҗәп таййип әрдоған пәләстиндики ишғалийәт, зулум вә қирғинчилиқ сийаситиниң үч чарәк әсирдин буйан изчил давамлишиватқанлиқини ейтти.
түркийә авази радийоси хәвири: җумһур рәис әрдоған түркийә радийо-телевизийә идарисиниң «TRT1» қанилида тарқитиливатқан қуран кәримни гүзәл тилавәт қилиш мусабиқисиниң һәл қилғуч мусабиқисигә қатнишип сөз қилди؛ у сөзидә ислам дунйаси дуч кәлгән мәсилиләрни тилға елип: «қошнимиз сүрийә 13 йилдин буйан қалаймиқанчилиқ вә малиманчилиқтин қутулалмиди. ливийә вә йәмәндиму техичә тинчлиқ орнитилалмиди. суданда милйонларчә киши өй-маканлиридин айрилишқа мәҗбур болди. пәләстиндики ишғалийәт, рәһимсизлик вә қирғинчилиқ сийасити үч чарәк әсирдин буйан изчил давамлашмақта. ғәззәлик қериндашлиримиз 180 күндин буйан дучар болуватқан зулум вә қирғинчилиқни тәсвирләшкә сөзләр купайә қилмайду» деди.
җаһангир күчләрниң ислам җуғрапийәсидә ойунларни ойниғанлиқини байан қилған әрдоған, мустәмликичи күчләрниң ислам дөләтлиридики йәр асти байлиқлирини сүмүрүатқанлиқини оттуриға қойуп: «биз африқадин асийағичә болған нурғун районларға нәзәр салидиған болсақ, бу сөмүрүш чақиниң қандақ қурулғанлиқини вә қандақ ишләйдиғанлиқини асанла көрәләймиз. уруш вә тоқунуш бу қоралларниң әң йүксәк пәллисидин орун алмақта. бүгүн сүрийә, йәмән, ливийә, судан, пәләстин вә башқа нурғун ислам земинини қанға бойиған тоқунушларниң, зулумларниң пәрдә арқисида сүмүрүш системисини давамлаштуруш пилани йатиду» дегәнләрни қәйт қилди.
җумһур рәис әрдоған ислам дунйасиниң қуран кәримниң йетәклишигә һәрқандақ вақиттикидинму бәк моһтаҗ икәнликини тәкитлиди.
