ирақ дөләт хәвпсизлик кеңиши «п к к қанунсиз тәшкилат» дәп қарар чиқарди
түркийә ирақ дөләт хәвпсизлик кеңишиниң «бөлгүнчи террорлуқ тәшкилати п к к ирақта қанунсиз тәшкилат» дегән қарарини қизғин қарши алди.
түркийә авази радийоси хәвири: түркийә ташқи ишлар министири хақан фидан билән ирақ муавин баш министири вә ташқи ишлар министири фуад һүсәйин башчилиқидики икки тәрәп һәйити, пайтәхт бағдадта бир йәргә җәм болди.
«түркийә-ирақ хәвпсизлик механизми музакирәси» дин кейин елан қилинған ортақ хитабнамәдә, җумһур рәис рәҗәп таййип әрдоғанниң ирақ зийаритиниң тәййарлиқлири музакирә қилинғанлиқи билдүрүлди.
хитабнамәдә, ирақниң сийасий вә земин пүтүнлүкигә, игилик һоқуқиға әһмийәт берилидиғанлиқи тәкитлиниш билән биргә, бөлгүнчи террорлуқ тәшкилати п к к ниң түркийә вә ирақ үчүн хәвпсизлик тәһдити пәйда қилидиғанлиқи؛ мәзкур тәшкилатниң ирақ земинида мәвҗут болушиниң ирақ асасий қануниға хилап икәнлики қәйт қилинди.
хитабнамәдә, түркийәниң ирақ дөләт хәвпсизлик кеңиши тәрипидин бөлгүнчи террорлуқ тәшкилатини ирақта «қанунсиз тәшкилат»дәп қарар чиқирилғанлиқини қизғин қарши алғанлиқи, тәрәпләрниң ирақ земинидин пайдилинип түркийәни һуҗум нишани қилған тәшкилат вә қуйруқчилириға қарши елиниши керәк болған зөрүр тәдбирләрниңму музакирә қилинғанлиқи әскәртилди.
