министир маһинур гөкташ исраилийәгә наразилиқ билдүрүп б д т йиғин залидин чиқип кәтти
түркийә ғәззәдә 31 миңдин артуқ бигунаһ адәмни қирғин қилған исраилийәгә барлиқ сәһниләрдә наразилиқ билдүрүшни давамлаштурмақта.
түркийә авази радийоси хәвири: түркийә җумһурийити аилә вә иҗтимаий хизмәтләр министири маһинур өздәмир гөкташ бирләшкән дөләтләр тәшкилати (б д т) йиғин залида исраилийәниң ирқий қирғинчилиқиға наразилиқ билдүрди.
америка қошма иштатлириниң нйуйорк шәһиридики б д т омумий кеңиши йиғин залида өткүзүлгән «айаллар салаһийити комитети» йиғинида сөз қилиш нөвити исраилийәгә кәлгәндә, министир маһинур өздәмир гөкташ вә түркийә вәкилләр өмики йиғин залидин чиқип кәтти.
министир гөкташ вә түркийә вәкиллири исраилийә иҗтимаий баравәрлик вә айаллар тәрәққийати министири май голанниң сөзи ахирлашқандин кейин йиғин залиға қайтип кәлди.
йиғинда түркийәниң ғәззә хәлқини қоллайдиғанлиқини қайта-қайта тәкитлигән министир маһинур өздәмир гөкташ, сөзини давамлаштуруп, йәршари характерлик хирисларни һәл қилиш билән биргә, түп сәвәбләргә, болупму намратлиқ вә түзүм аҗизлиқиға қарши турушниң муһимлиқини тәкитлиди.
гөкташ йәнә: «баравәрлик мәсилисини музакирә қилиш билән бир вақитта, биз исраилийәниң пәләстинликләргә қарши елип барған һәрикити нәтиҗисидә давамлишиватқан, еғир азаб-оқубәтләрни кәлтүрүп чиқарғанкиризисни нәзәрдин сақит қилалмаймиз» дегәнләрни сөзлиригә илавә қилди.
