فىدان جىددەدە چاقىرىلىدىغان ئىسلام ھەمكارلىق تەشكىلاتى يىغىنىغا ئىشتىراك قىلىدۇ

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى بايانات ئېلان قىلىپ: «ھۆرمەتلىك مىنىستىرىمىز ئىسلام ھەمكارلىق تەشكىلاتى تاشقى ئىشلار مىنىستىرلىرى كېڭىشىنىڭ 2024-يىلى 5-مارت جىددەدە ئۆتكۈزۈلىدىغان <ئىسرائىلىيەنىڭ پەلەستىن خەلقىگە قاراتقان ھۇجۇملىرى> تېمىلىق پەۋقۇلئاددە يىغىنىغا قاتنىشىدۇ» دېگەنلەرنى قەيت قىلدى.

خاقان فىدان يەنە 11-نويابىر رىيادتا ئۆتكۈزۈلگەن <ئەرەب ئەللىرى ئىتتىپاقى-ئىسلام ھەمكارلىق تەشكىلاتى پەۋقۇلئاددە باشلىقلار يىغىنى>دا ئېلىنغان قارارلارنىڭ ئىجرا قىلىنىش ئەھۋالىغا قاراپ چىقىش يىغىنى دائىرىسىدە ئايرىم ئۇچرىشىشلارنى ئۆتكۈزىدۇ.