ئالپەر گەزەرئاۋجى خەلقئارا ئالەم پونكىتىدىن سالام يوللىدى

تۈركىيە ئاۋازى رادىيوسى خەۋىرى: ئالپەر گەزەرئاۋجى ئىنستېگرام ئادرېسىدا ئۇلارنى ئېلىپ ماڭغان كاپسۇل توختىغاندىن كېيىن، باشقا يولۇچىلار بىلەن چۈشكەن رەسىمىنى ھەمبەھرلىدى.

ئالپەر گەزەرئاۋجى خەلقئارا ئالەم پونكىتىنىڭ ئوخشىمىغان دۆلەتلەرنىڭ ئالەم ئۇچقۇچىلىرىنى بىر يەرگە جەم قىلىپ، كىچىك بىر دۇنيا بەرپا قىلغانلىقىنى ۋە كائىناتنى يورۇتۇپ بېرىدىغان نۇرغۇن سىناقلارنى ئېلىپ بېرىۋاتقانلىقىنى ئېيتتى.  

ئالپەر گەزەرئاۋجى: «بىز بۇ تەجرىبىلەرنى ئۆزىمىز بىۋاستە باشتىن كەچۈرۈپ، دۆلىتىمىزنى ئالەم تەتقىقاتى ساھەسىدە ھەقلىق بولغان سەۋىيەگە يەتكۈزۈش ئۈچۈن پۈتۈن كۈچىمىز بىلەن تىرىشىۋاتىمىز. ئالەم بوشلۇقىدىن ھەممىڭلارغا سەمىمىي سۆيگۈ ۋە سالاملىرىمنى يوللايمەن» دېدى.