türkiye hamas - israiliye kélishimi toghrisida bayanat élan qildi
türkiye hamas bilen israiliye otturisida hasil qilinghan waqitliq urush toxtitish kélishimige ijabiy qaraydighanliqini bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, türkiyening, tereplerning israiliye armiyesi alte heptidin köprek waqittin buyan izchil hujum qilip kéliwatqan ghezzediki toqunushlarni töt kün insaniy meqsette toxtitish kélishimige <tökülüwatqan qanning melum derijide bolsimu aziyishi nuqtisidin ijabiy ilgirilesh dep qaraydighanliqi>ni bildürdi.
bayanatta, görüde tutuluwatqanlar bilen mehbuslarning bir qismining qoyulup bérilishi we ghezzege téximu köp insanperwerlik yardem buyumlirining kirishige ruxset qilish qatarliqlarni öz ichige alghan kélishimge toluq réaye qilinishining kütülüwatqanliqi tekitlendi.
bayanatta: «biz (toqunushni) insaniy meqset bilen toxtitishning, toqunushlargha kéchikmestin toluq xatime bérishke yardemchi bolushini we ikki döletlik hel qilish charisi asasida adil we uzaq muddetlik tinchliq musapisining bashlinishini ümid qilimiz. qatarning bu kélishimning imzalinishida oynighan roligha yuqiri baha bérimiz» déyildi.
israiliye hökümiti ghezzediki hamas herikiti bilen esir almashturush we töt künlük urush toxtitish toghrisida kélishkenlikini élan qilghanidi.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
