türkiye térrorchilargha zerbe bérishni dawamlashturmaqta

türkiye térrorluqqa qarshi turush kürishini qetiy irade bilen üzlüksiz dawamlashturmaqta.

2154445
türkiye térrorchilargha zerbe bérishni dawamlashturmaqta

türkiye awazi radiyosi xewiri: aghri we batmanda élip bérilghan bölgünchi térrorluq teshkilati — p k k gha zerbe bérish heriketliride, biri tutush buyruqi chiqirilghan térrorchilar tizimlikining qizil renglik katégoriyesidiki, üchi apélsin renglik katégoriyesidiki bolup jemiy besh térrorchi yoqitildi.

türkiye xewpsizlik küchliri bu qétim aghrining doghubeyazit nahiyesi taghliq rayoni bilen batmanning hasankeyf nahiyesi palamut yézisi taghliq rayonida zerbe bérish herikiti élip bérip, besh p k k térrorchisini qoralliri bilen birlikte ujuqturdi.

tekshürüsh netijiside, ujuqturulghan térrorchilardin birining tutush buyruqi chiqirilghan térrorchilar tizimlikining qizil renglik, üchining apélsin renglik katégoriyesidiki térrorchilar ikenliki éniqlandi.

türkiye jumhuriyiti ichki ishlar ministiri eli yerlikaya ijtimaiy taratqudiki adrésida uchur hembehrilep «xainlarning gejgiliride turushni dawamlashturimiz» dédi.

türkiyening térrorizmgha qarshi kürishi chégra sirtidimu toxtawsiz dawam qilmaqta؛ türkiye jumhuriyiti dölet mudapie ministirliqi bayanat élan qilip, iraqning shimalidiki xakurk, qandil we <penche-qulup> herbiy herikiti rayonlirida p k k ezasi besh térrorchining ujuqturulghanliqini uqturdi.

bayanatta: «térrorizmgha qarshi kürishimiz qetiy shundaqla ünümlük shekilde dawam qilmaqta» dégen ibarilerge orun bérildi.


خەتكۈچ: #uyghurche , #térror , #türkiye

مۇناسىۋەتلىك خەۋەرلەر