kecheli bartoloméyos bilen ayrim söhbet ötküzülgenliki toghrisidiki eyibleshlerni ret qildi

türkiye jumhuriyiti tashqi ishlar ministirliqi bayanatchisi önjü kecheli, fener rum péshwasi bartoloméyos bilen ayrim söhbet ötküzülgenliki toghrisidiki eyibleshlerni ret qildi.

2154315
kecheli bartoloméyos bilen ayrim söhbet ötküzülgenliki toghrisidiki eyibleshlerni ret qildi

türkiye awazi radiyosi xewiri: önjü kecheli ukraina tinchliq yighinigha alaqidar bezi xewerler toghrisidiki soalgha yazma jawab qayturdi.

«fener rum patrikxanisining 15-, 16-iyun künliri shiwiyétsariyede ötküzülgen ukraina tinchliq yighinigha dölet salahiyiti bilen qatnashqanliqi we tashqi ishlar ministiri xaqan fidanning yighin dairiside fener rum patrikxanisi péshwasi bartoloméyos bilen resmiy ayrim söhbet ötküzgenliki toghrisidiki xewerler heqiqetni eks ettürmeydu» dégen kecheli bayanatida, yighinini teshkilligüchi döletlerdin shiwitsariye bilen ukrainadin <yighin axirida qobul qilinip, amma bilen ortaqlishilghan ortaq xitabamige ismining imza qoyghuchi süpitide qoshulghanliqi toghrisidiki eyibleshlerge qarita chüshendürüsh bérishining telep qilinghanliqi>ni tektilidi.

bayanatchi kecheli sözini dawamlashturup: «yene bir jehettin, dölitimizning fener rum patrikxanisigha munasiwetlik siyasitide héchqandaq özgirish yoq» dégenlerni qeyt qildi.


خەتكۈچ: #uyghurche , #söhbet , #türkiye

مۇناسىۋەتلىك خەۋەرلەر