numan qurtulmush hindonéziyening paytexti jakartagha yétip bardi

türkiye awazi radiyosi xewiri: hindonéziye awam palatasining sahibxanliqida paytext jakartada «köp tereplimilikni kücheytish, ewladlar ara qiyinchiliqlargha taqabil turush» témisida ötküzülidighan «MIKTA»  9 - nöwetlik parlamént bashliqliri yighinida, «yer sharini bashqurush merkezde/ parlamént qandaq heriket qilishi lazim?», «ehdinamiler we mesuliyettin halqighan kilimat herikiti» we «yashlarning küchidin paydilinish: téximu güzel bir kelgüsi» témiliq tarmaq yighinlar échilidu.

türkiye büyük millet mejlisi (parlaménti) bashliqi numan qurtulmush yighin dairiside, hindonéziye pirézidénti joko widodoning parlamént bashliqliri sheripige bérilidighan ziyapetke qatnishidu.

numan qurtulmush ziyariti jeryanida, ikki tereplik uchrishishlarda bolidu we yunus emre institutida türkiye aspirantliri bilen körüshidu.

2013 - yili qurulghan we ismi méksika, hindonéziye, koréye, türkiye we awstiraliyening bash heripliridin teshkillengen, qieteler ara gheyriy resmiy muzakire we hemkarliq munbiri «MIKTA», eza döletlerning 20G we bashqa aldinqi qatardiki xelqaraliq teshkilatlar bilen téximu qoyuq hemkarliq ornitishini, shundaqla maslishishini kapaletke ige qilishni, bu döletler otturisidiki özara munasiwetlerni téximu yaxshilashni meqset qilidu.

öz rayonlirida ünümlük aktiyor hésablinidighan besh dölet, rayon we yer shari tinchliqigha hemde muqimliqigha töhpe qoshushtin bashqa yene, xelqara mesililerge oxshash pozitsiye tutidu.