истанбулға кәлгән чәт әллик сайаһәтчиләр сани 13 милйондин ашти
истанбул бу йилниң дәсләпки 9 ейида 13 милйон 156 миң 209 чәт әллик зийарәтчини күтүвалди.
түркийә авази радийоси хәвири: түркийә мәдәнийәт вә сайаһәт министирлиқи тәрипидин елан қилинған йазма байанатқа асасланғанда, бу йил сентәбир ейида истанбулға кәлгән чәт әллик сайаһәтчиләр сани 1 милйон 631 миңдин ашқан, шуниң билән, бу йил 9 – айда истанбулға кәлгән чәт әллик сайаһәтчиләрниң сани алдинқи йилниң охшаш ейиға селиштурғанда ٪1.55 ашқан.
сентәбир ейида истанбулни әң көп зийарәткә кәлгән чәт әллик сайаһәтчиләр рәт тәртипидә, 168 миң 925 киши билән русийә биринчи болған.
русийәдин қалса, германийә 119 миң 681 киши билән иккинчи, иран 111 миң 688 адәм киши үчинчи, америка қошма иштатлири 87 миң 670 киши билән төтинчи, 64 миң 980 киши билән әнгилийә бәшинчи, 46 миң 547 киши билән фирансийәдә алтинчи болған.
әрәб дөләтлири ичидә 9 – айда истанбулға кәлгән чәт әллик сайаһәтчиләр рәт тәртипидә ирақ биринчи, сәуди әрәбистани иккинчи, алҗирийә үчинчи, маракәш төтинчи, ийорданийә бәшинчи, мисир алтинчи, ливийә йәттинчи, кувәйт сәккизинчи болған.
бу йилниң дәсләпки 9 ейида истанбулға кәлгән чәт әллик сайаһәтләр сани 13 милйон 156 миң 209 ға йәткән.
