әрдоған: түркистандин пәләстингичә барлиқ мәзлумларниң йардимигә йүгүрмәктимиз

түркийә авази радйоси хәвири: җумһур рәис әрдоған җумһурийәт елан қилинғанлиқиниң 100 - йиллиқи мунасивити билән 100 – йил нутуқини сөзлиди.

әрдоған 1923-йили 29-өктәбирдә елан қилинған җумһурийәтниң биринчи әсрини тамамлап, «түркийә әсири» дәп  нам берилгән иккинчи әсиригә қәдәм қойғанлиқини тәкитлиди вә: «миң йиллиқ тарихқа игә дөләт әнәнимизниң йеңи бир һалқиси болған җумһурийитимиз, бу җоғрапийәдә қурған тунҗи әмәс, бәлки әң ахирқи дөлиитмиздур» деди.

әрдоған җумһурийәтниң һәм иптихари, һәм илһам мәнбәси икәнликини билдүрүп: «бүгүнки күндә, түркийә җумһурийити ғази мустапа камал ататүрк арзу қилғандәк, өз районида вә хәлқарада игә - чақисизларға игә чиқидиған дөләткә айланди» деди.

әрдоған кавказдин асийағичә, түркистандин пәләстингичәм қәйәрдә көзи йашқа толған, зулумға учриғучи, йардәмгә моһтаҗлар болса, шуларниң йардимигә йүгрәйдиған вә қолидин тутидиған түркийәгә айланғанлиқини әскәртип: «түркийә җумһурийитиниң хушал, мувәппәқийәтлик вә музәппәр болушини имперйалистлар тосуп қалалмайду» деди.