siyasiy erbablar israiliyening ghezzediki doxturxanigha hujum qilish qilmishini eyiblidi

türkiye awazi radiyosi xewiri: türkiye büyük milliy mejlisi bashliqi numan qurtulmush israiliyening xelqara qanunni közge ilmay, puqralarni zerbe obyékti qilinghan hujumlirini qetiy qobul qilmaydighanliqini we ularni küchlük shekilde eyibleydighanliqini bildürdi.

u özining ijtimaiy taratqudiki adrésida uchur hembehrilep, israiliyening pütkül dunyaning közi aldida <insaniyet>ke rehimsizlerche hujum qiliwatqanliqini otturigha qoydi.

«puqralar ahaliler rayonlirigha hujum qilishni üzlüksiz dawamlashturuwatqan rehimsiz zionizmning ghezzediki bir doxturxanigha hujum qilip, yüzligen bigunah kishini qirghin qilghanliqi»ni tilgha alghan qurtulmush, sözini dawamlashturup: «biz israiliyening xelqara qanunni közge ilmay, puqralarni zerbe obyékti qilinghan hujumlirini qetiy qobul qilmaymiz we uni yene bir qétim eng küchlük shekilde eyibleymiz. türkiye bolush süpitimiz bilen, ghezzege qaritilghan tengsiz shundaqla exlaqiy we insaniy qimmetlerdin yiraq wehshiy hujumlargha qarshi turushni dawamlashturimiz» dégenlerni qeyt qildi.

shuning bilen bir waqitta, türkiye büyük millet mejliside guruppisi bolghan barliq siyasiy partiyeler israiliyening ghezzediki doxturxanilarni bombardiman qilishigha qarita ortaq bayanat élan qildi.

«biz insaniyetke qarshi jinayet bolghan bu hujumlarni eng küchlük shekilde eyibleymiz» dégen ibarilerge orun bérilgen bayanatta, türkiye büyük milliy mejlisidiki barliq partiye guruppiliri we parlamént ezalirining dunya parlaméntliri, xelqara jemiyet we teshkilatlarni bu rehimsizlikni toxtitish üchün pozitsiye bildürüp, meydanini éniq qilishqa chaqiridighanliqi tekitlendi.

muawin jumhur reis jewdet yilmaz israiliyening ghezzediki doxturxanigha qilghan hujumining insaniyet üchün zor pajie ikenlikini bayan qilip: «biz otqa yéqilghu tökitidighan bayanatlarni élan qilghanlarning we israiliyeni shertsiz qollighanlarning, bu weqelerdin kéyin pozitsiyelirini qayta oyliship körüshini ümid qilimiz» dédi.

siyasi partiye rehberliri we ministirlarmu uchurlarni hembehrilep, israiliyening ghezzediki doxturxanigha qilghan hujumini eyiblidi.

türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altunmu «bémarlar we yashanghanlargha qaritilghan zorawanliq toxtishi kérek. ghezzening bombardiman qilinishi toxtishi kérek. dunya oyghinip, tökülüwatqan qangha xatéme bérishi lazim» dédi.