jewdet yilmaz ghezze xelqining eng eqelliy heq - hoquqliridinmu mehrum qilinghanliqini eyiblidi
muawin jumhur reis jewdet yilmaz ghezze xelqining eng eqelliy heq - hoquqliridinmu mehrum qilinishining xelqara qanun we her türlük insaniy qimmet qarashlargha pütünley zit ikenlikini éytti.
türkiye awazi radyosi xewiri: muawin jumhur reis jewdet yilmaz wandiki yüzinchi yil uniwérsitéti oqutush yili échilish murasimigha qatnashti.
jewdet yilmaz israiliye bilen pelestin otturisidiki toqunush üstide toxtilip, israiliyening dawamliship kéliwatqan ishghaliyiti ghezzediki turmush sharaitini künsiri éghir derijide nacharlashturuwetti. bu qétimqi hujumlar bolsa, ghezzediki weziyetni téximu éghirlashturdi» dédi.
jewdet yilmaz israiliyening ghezzediki émbargosigha süküt qiliwatqan nurghunlighan xelqaraliq organ we döletlerni ibret bilen közitiwatqanliqini tekitlep, «ghezzediki 2 milyon 500 ming kishini köchüshke mejburlash kishilik hoquq nuqtisidin hergizmu qobul qilishqa bolmaydighan qilmish» dédi.
jewdet yilmaz milyonlighan puqralarning acharchiliq xewipige duch kelgenlikini, rayongha insanperwerlik yardimining kélishini tosup qoyushning söz axirilashqan nuqta ikenlikini bildürdi. u yene tereplerni otturahal heriket qilishqa we aldiraqsan qedemlerdin saqlinishqa chaqiriq qilip, «biz 1967-yilida belgilen chégra dairiside, sherqiy quddus paytexti bolghan, musteqil, igilik hoquqqa ige pelestin döliti qurulmisa, rayonda tinchliqning berpa bolmaydighanliqigha ishinimiz» dédi.
jewdet yilmaz ghezze xelqi éhtiyajliq bolidighan insanperwerlik yardem boyumlirini ewetishke bashlighanliqini chüshendürüp, «bezi döletlerning rayondiki jiddiylikni téximu kücheytidighan tajawuzchiliq heriketlirini qiliwatqinigha qarimay, biz türkiye bolush süpitimiz bilen bizge yarishidighan ishlarni qilduq» dédi.
hamasning herbiy qaniti qasssam birigadisi 7-öktebirde israiliyege «aqsa tufani» namliq keng kölemlik hujum bashlighanliqini élan qilghan we ghezzedin israiliyege minglighan rakétamiyot atqandin bashqa yene, qoralliq guruppilar rayondiki olturaq rayonlargha bésip kirgen idi.
israiliye qisimlirimu urush ayropilani bilen ghezze rayonigha qarshi «tömür qilich» herikitini bashlighanliqini élan qilghan idi.
künséri keskinlishiwatqan toqunushta her ikki tereptin minglighan kishi jénidin ayrildi.
