iraq bilen türkiye dawamliq söhbet ötküzmekte
iraq bash ministiri muhemmed shiya essudani iraq bilen türkiye otturisida iran bilen tüzülgen kélishimge oxshash türkiye bilenmu bixeterlik kélishimi imzalinishi üchün söhbet ötküzülüwatqanliqini éytti.
![iraq bilen türkiye dawamliq söhbet ötküzmekte](http://cdn.trt.net.tr/images/xlarge/rectangle/164a/fe39/30a1/652528ad0d474.jpg?time=1719105356)
türkiye awazi radiyosi xewiri: iraqning «‹essabah› géziti» iraq bash ministiri muhemmed shiya essudanining rusiye ziyariti harpisida sputnikning ziyaritini qobul qilghanda bergen bayanatini élan qildi.
essudani bayanatida, iran bilen tüzülgen kélishimge oxshash türkiye bilenmu bixeterlik kélishimi imzalinip imzalanmaydighanliqigha dair soalgha jawab bérip mundaq dédi:
«bizning qoshnimiz türkiye bilen chongqur tarixiy munasiwetlirimiz bar. buningdin bashqa yene, türkiye bilen bolghan soda munasiwetlirimizning dairisi intayin kengdur. bixeterlik mesilisi qatarliq ikki dölet otturisidiki barliq ortaq mesililer we munasiwetler üstide ötküzülüwatqan söhbetlirimiz dawamlashmaqta. bixeterlik mesililirige qarshi küresh üchün konkrét méxanizm ornitish yolida türkiye dairiliri bilen dawamliq alaqe ornitiwatimiz.»
iraq hökümiti 3-ayning 19-küni téhran bilen imzalanghan bixeterlik kélishimige asasen, 19-séntebirdin bashlap irangha qarshi öktichi guruppilarning qoralsizlandurulup, chégradin yiraq rayongha orunlashturulghanliqini bildürgenidi.
مۇناسىۋەتلىك خەۋەرلەر
![türkiye térrorchilargha zerbe bérishni dawamlashturmaqta](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1719105356)
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.