qurtulmush gollandiyediki quran kerimge hujum qilish qilmishini eyiblidi

türkiye awazi radiyosi xewiri: türkiye büyük millet mejlisi bashliqi qurtulmush özining ijtimaiy taratqu supisidiki adrésida bayanat élan qilip mundaq dédi:

«men islam düshmini bir fashistning türkiyening laheydiki elchixanisi aldida muqeddes kitabimiz quran kerimge qarshi sadir qilghan qebih qilmishini nepretlengen halda eyibleymen. démokratiye, barawerlik, qanun bilen idare qilish, étiqad we medeniyetlerge hörmet qilish qatarliq yawropani bir yerge jem qilghanliqi ilgiri sürülüwatqan pirinsiplarning, emeliyette ish islam we musulmanlar bilen munasiwetlik bolghanda, nezerdin saqit qilinghanliqini, bu xil ighwager qilmishlargha qarita gherb ellirining her daimqigha oxshashla süküt qilishini yene bir qétim chüshiniwatimiz. bu ehwal yawropaning kelgüsi üchün nomus we endishe qilarliq bir ishtur.

türkiye bolush süpitimiz bilen, biz bu qebih qilmishlargha qarshi turushni dawamlashturimiz.  bizning meniwi qimmetlirimizni, yawropadiki yurtdashlirimizni, dindashlirimizni yawropaning közliri aldida küchiyiwatqan fashizm we islam düshmenlikidin qoghdash iradimiz qetiy. ularning némilerni qilishidin qetiynezer, insaniyet ghelibe qilidu, quranning nuri qiyamet qayim bolghuche pütkül insaniyetke yétekchi bolushni dawamlashturidu».