erdoghan b d t gha naraziliq bildürdi

türkiye awazi radiyosi xewiri: jumhur reis rejep tayyip erdoghan birleshken döletler teshkilati tinchliq saqlash qisimlirining shimaliy qibris türk jumhuriyitining igilik hoquqi dairisidiki rayonlargha arilishishining türkiyege nisbeten hergizmu qobul qilghili bolidighan ehwal emeslikini éytti.

erdoghan birleshken döletler teshkilati tinchliq saqlash qisimliri eskerlirining shimaliy qibris türk jumhuriyitining insaniy éhtiyajlirini qamdashqa muhim töhpe qoshidighan «pile yoli» layihesige tosqunluq qilish herikiti heqqide toxtilip mundaq dédi: «aldinqi jüme küni birleshken döletler teshkilati tinchliq saqlash qisimliri eskerlirining shimaliy qibris türk jumhuriyitining igilik hoquqi dairisidiki rayonlargha arilishishi türkiyege nisbeten hergizmu qobul qilghili bolidighan ehwal emes.»

jumhur reis erdoghan «pile yézisi» da qibris türklirining öz térritoriyeliridin behriman bolushqa tosqunluq qilishning qanun hem insanperwerlikke xilap ikenlikini eskertip mundaq dédi: «birleshken döletler teshkilati tinchliq saqlash qisimliri eskerliri hem shimaliy qibris türk jumhuriyitining igilik hoquqi dairisidiki rayonlargha arilishish hem shuningdin kéyin élan qilghan bayanatliri arqiliq bitereplik pirinsipigha kölengge chüshürdi, özining inawitigimu ziyan yetküzdi. tolimu epsuski, xelqara qanungha xilap bu pozitsiye sewebidin, rayondiki jiddiychilik qaytidin küchiyip ketti. biz qoshnilirimiz bilen bolghan munasiwetlirimizni özara kücheytip, arimizdiki saqliniwatqan mesililerni hel qilmaqchi boluwatqan bir peytte otturigha chiqqan bu ehwalni yaxshi niyetlik ish emes, dep qaraymiz.»

erdoghan birleshken döletler teshkilati tinchliq saqlash qisimliri wezipisining muqimliqqa tesir yetküzidighan heriketlerning ornigha, ismi-jismigha layiq rewishte araldiki herqaysi tereplerning insaniy éhtiyajlirini qamdashqa hesse qoshush ikenlikini bayan qildi.