һақан фидан: «қанунсиз көчмәнлик ақ деңиз дөләтлири дуч кәлгән ортақ хиристур»
ташқи ишлар министири һақан фидан қанунсиз көчмәнликкә «ақ деңиз дөләтлири дуч кәлгән ортақ хирис» дәп баһа берип, қанунсиз көчмәнликкә қарши күрәштә район характерлиқ һәмкарлиқниң муһимлиқини тәкитлиди.
түркийә авази радйоси хәвири: министир һақан фидан түнүгүн италийә баш министири гиоргийа мелониниң саһибханлиқида римда өткүзүлгән хәлқара тәрәққийат вә көчмәнләр кеңиши йиғиниға қатнашти.
ахбаратларға йепиқ шәкилдә өткүзүлгән кеңәш йиғинида министир һақан фиданму нутуқ сөзлиди.
дипломатик мәнбәләрдин игиләнгән мәлуматларға асасланғанда, қанунсиз көчмәнликниң ақ деңиз дөләтлири баштин кәчүрүватқан ортақ хирис икәнликини билдүргән һақан фидан, қанунсиз көчмәнликкә қарши күрәштә район характерлиқ һәмкарлиқиниң муһимлиқини тәкитлигән.
министир фидан көчмәнлик долқунини тохтитишниң муһимлиқини тәкитләп, буниң үчүн тоқунуш вә иқтисадий мәсилиләрни түгитиш керәкликини оттуриға қойған.
ташқи ишлар министири һақан фидан дөләтләр арисида йүк бөлүшүшниң муһимлиқини тәкитләп, һәр қайси дөләтләрни инсанниң ғурури вә иззәт-һөрмитини қоғдаш үчүн чәтәлликләргә өчмәнлик қилиш вә нәпрәт җинайәтлириниң алдини елишқа шундақла хошпииллиқ мәдәнийитини тәрәққий қилдурушқа чақириқ қилған.
