истанбул йавропадики әң мунәввәр шәһәр болди

түркийә авази радийоси хәвири: мәркизи америка қошма иштатлириниң нйу йорк шәһиридики «‹Travel + Leisure› сайаһәт журнили» ниң оқурмәнлири «дунйадики әң мунәввәр шәһәрләр» пирограммисиниң бу йиллиқ мукапатлири үчүн беләт ташлиди. пирограмма даирисидә әң алқишқа еришкән авийатсийә ширкәтлири, айродурумлар, меһмансарайлар, сайаһәт ширкәтлири вә шәһәрләр авазға қойулди.

шәһәр мукапатлири үчүн, оқурмәнләр «сайаһәт нуқтилири, йадролуқ мәнзиригаһлар, мәдәнийәт, йемәк-ичмәк, достлуқ, сода - сетиқ вә қиммәт өлчәмлири» қатарлиқ түрләр бойичә беләт ташлиди.

истанбул бу тизимликтә % 90.23 аваз билән «йавропадики әң мунәввәр 15 шәһәр» тизимликидә биринчи болуп талланди.

оқурмәнләр истанбул үчүн «таллашқа тегишлик  сайаһәт нуқтилири көп интайин гүзәл шәһәр», «пулиси аз вә көп кишиләрниң һәммисигә мас келидиған шәһәр», «үсти йепиқ базар», «султанәһмәд җамәси» вә «истанбул боғузи» сайаһәтчиләр йахши көридиған сайаһәт мәнзилгаһлири һесаблиниду, дәп баһа бәрди.

истанбулдики «төт пәсил» меһманханисиму оқурмәнләрниң толуқ баһасиға еришип, «дунйадики әң мунәввәр меһманхана» болуп талланди.

истанбулдин кейин, төвәндики шәһәрләр рәт тәртипи бойичә тизимликтин орун алди:

«флоренсийә, рим, лисбон, порто, севилла, лублийана, сан себастийан, пирага, барселона, салзбур, единбург, мадрид, бордо, вийенна.»