türkiye stolténbérgning wezipe ötesh mudditining uzartilishini qollidi
türkiye shimaliy atlantik ehdi teshkilati-nato bash katipi jéns stolténbérgning wezipe ötesh mudditining tötinchi qétim yene bir yil uzartilishini memnunluq bilen qarshi aldi.
türkiye awazi radiyosi xewiri: tashqi ishlar ministirliqining yazma bayanatida, shimaliy atlantik ehdi teshkilati kéngishining, bash katip stolténbérgning wezipe ötesh mudditini 2024-yili 1-öktebirgiche uzartish qararini memnunluq bilen qarshi alidighanliqi bildürüldi.
bayanatta: «wezipe ötigen mezgilde dölitimiz bilen qoyuq hemkarliq we ittipaqliqni namayan qilghan bash katip stolténbérgni tebrikleymiz» déyildi.
bayanatta yene mundaq déyildi:
«bash katip stolténbérg 2014-yili wezipige olturghandin buyan térrorluq qatarliq küchiyiwatqan tehdit we xirislargha qarshi ittipaqning birdekliki we hemkarliqini qoghdashqa tiriship kelmekte. biz bash katip stolténbérgning rehberlikini namayan qilishni dawamlashturidighanliqigha ishinimiz.»
nato tünügün (4-iyul) élan qilghan bayanatida, bash katip stolténbérgning 30-séntebirde toshidighan wezipe ötesh mudditini uzartishqa ittipaqdash döletlerning pikir birdeklikige kelgenliki bildürülgen idi.
bu qarar bilen, stolténbérg 2024-yili 1-öktebirgiche natoning bash katipliq wezipisini dawamlashturidu.
مۇناسىۋەتلىك خەۋەرلەر
türkiye térrorchilargha zerbe bérishni dawamlashturmaqta
türkiye térrorluqqa qarshi turush kürishini qetiy irade bilen üzlüksiz dawamlashturmaqta.
